19
Thu, Oct

About TCP

About us

The Chinland Post cu Fidi Group nih ngeihmi Thawngzamh lei riantuannak bu pakhat a si. Fidi Phu (atu Fidi Foundation) cu Kum 2007 ah ramchung ramleng mino pawl ipehtlainak, ruahnak i cheuhnak le thawngpang i thanh caah dirhmi a rak si. Ramchung le ramleng mino, a bikin ca le holh lei a zuammi hna lungtlinnak he 2009 October ah 'Fidi Biazai' timi Cauk rak chuah a si. Hi biazai cauk hi Laitlai tuanbia ah thangthar mino biazai an tialnak kutzung tamcem zong a si. 

2010 Ramkomh Kawlram ramkhel sining zauk phung lei hoih in a hun thlen ve tikah Chin mino hna nih kan ramkhel kong, zauk phung sining le ningcang te kar a hlan khawh nakding le Tlangcungmi hna nunnak sining hi Caholh riantuannak in bawmchan usih timi ruahnak he The Chinland Post cu March, 2010 ah dirh a hun si. March, 2010 in August, 2010 tiang thlatin (Monthly) in The Chinland Post tawlrel in cachuahnak ngeih a rak si. 

The Chinland Post riantuantu chung in ramdang sianginn kai cio ruang le a bik in, Tangka chawva lei in chambaunak kan ngeih ruangah The Chinland Post pehzulh in chuah khawh a si ti lo i, rak dinhter chung a si. Ramchung ah, The Chinland Post Thawngpang kan chuah khawh tilo nain May 2011 ah FIDI BIAZAI Facebook Group siseh, July, 2011 ah The Chinland Post (www.thechinlandpost.com) in riantuan hram kan thawk. Nihin ni ahcun Chin mino cawlcanghnak ah hmaisuang riantuantu pakhat ah hun dir a si. 

Riantuannak zohthannak le The Chinland Post riantuantu ramchung kan hun luh than cio cang tikah January 11, 2013 in The Chinland Post zarhfatin chuah hram kan hun thawk khawh than. Nihin nitiang Chin mizapi thapeknak in caantling in pehzulh a si. The Chinland Post nih miphun le ram caah thawngzamh lei in rian a tuannak ah a bawmchantu le ningcanglo in kan kalnak hngalo ding caah ihruainak phunglam le phunghram zong thate in kan ser. The Chinland Post riantuantu zapi zulhphung le Media Zulhphung tiah tlaitleng pahnih he siseh, tangka kongkau zohfelnak caah Financial Phung tiah kar kan hlan cuahmah lio a si.  

The Chinland Post riantuannak a thancho khawhnak le Miphun huap in a thawng i a fekmi thawngzamhbu ser khawhnak ahcun cu The Chinland Post riantuantu hna nitin bu cawlcanghnak cungah pumpak pakhat cio nih zeitluk in dah caan an pek i ningcang tein bu chungah an i pumpek, cun rian an tuan timi cungah aa hngat ngai a si. Cu bu riantuannak chungah riantuantu pakhat le pakhat, bu khat le bukhat, The Chinland Post le mizapi he pehtlai in riantuan khawhnak caah a fekfuanmi biahren kan ngei. Ningcang tein dun le dan he rian kan tuan lawngah The Chinland Post ca lawng silo in Chin miphun pi caah thanchonak le manngeimi kan si khawh lai timi ruahchannak he The Chinland Post cu Phunghram le zulhphung he tha tein a dirmi phu a si. 

Nihin The Chinland Post riantuannak hi phun hnih in then khawh a si: Nifatin chuahmi, The Chinland Post Daily News le thlahnih dan voikhat chuahmi Chin Digest (Sister publication of Chinland Post) an si. The Chinland Post hi Weekly (Zarhtin) in chuahmi a rak si nain, kokek rawhralnak nih lamsul vialte a hrawh dih caah pehtlaihnak tha lo in, caan saupi um a si hnu in, Hakha hrambunh in, 2016 January thawk in, Nitin (Daily) in kan chuahnak hi a si. 

Atulio ah The Chinland Post Riantuantu hna cu;

Editor-in-Chief 
Salai Holy Tawk Tling Thang
Editor-in-Charge 
Salai Ngun San Aung

Editors
Salai Za Bawi Thawng (News Editor)
Salai J. Bawi Uk Thang 
Salai Ram Mang Lian (On leave) 

Opinion Editors
Salai Mang Hre Lian,
Salai Sang Hnin Lian,

Reporters 
Salai Elvis (Thantlang),
Salai Van Sui Uk (Hakha),
Salai Papi (Kalay),
Salai Sumte (Volunteer, Falam)
Salai Ro Kung (Volunteer, Matupi)
Salai Za Thawng (Freelance, Hakha)
Salai Uk Nun Bawi (Volunteer, Yangon)

Contributor
Salai Van Bawi Mang (Taungkyi) 

Chin Digest 
Salai June Nilian Sang (Executive Editor),
Salai SH Lian (Managing Editor)
Salai Kep Chin Thang (Editor),  

Marketing Manager
Fidi Team

Finance & Accountant 
Gracy Siang Hlei Dim 

Coordinators
Mai Rem Hlei Par (Thantlang),
Salai Ceu Lian Thang (Tahan, Kalay),
Pi Thla Cuai (Satawm, Kalay), 

Layout Designer
Hretung le Salai Serenade  

Distributors
Mai Sang Chin Sung (Thantlang)
Salai Van Bawi Hniang (Kalay)
Salai Ngun Thawng Lian (Hakha)

Office Steward
Ni Par Sui