16
Mon, Jul
0 New Articles

Top Stories

The Chinland Post| 2018 January 9| The Chinland Post nih Chinmi chung in thawngpang a ser khotu bik le tuanbia thar a tialmi pawl thimnak kan tuah lengmang. Tukum 2017 ca zong kan hun thim than hna. A hmasa bik ah Kawlrawm Vice President Henry Van Thio nih UN ah tuanbia thar a tialnak kong kan hun langhter. Midang kan thimmi hna zong an um caah pakhat hnu pakhat in hun rel khawh an si cio te lai.

 Salai Elvis| 2017 December 14| Thantlang khua chung mifir nih dawr an bauh leng mang caah dawrngei poah December 25 tiang cu nanmah le dawr chung cio ah riak kho u law a tha tiah Thantlang palek sakhaan hmu nih a forhfial hna.

Salai Ngun San Aung| 2017 Dec 12| Hakha ah ekah 100 kau in sangthar an samhmi chung ah 2017 December 12 in 2018 January 12 tiang inn hmun sok cio khawh a si cang.

Chinland Post| 2017 December 19| Chin ramkulh, Paletwa ah peng ah khua a sami le zung hrampi chiah in khua a sami Arakan Army (AA) zungpi (zungchoh) cu Myanmar ralkap nih an laak khawh cang tiah The Voice thawngthanhca nih December 19 zingka ah a thanh. 

Chinland Post| 2017 November 18| Ramdang khuasa mi Chin/Lai cheukhat hna nih November 17, 2017 ni ah Hluttaw biakhiahnak kong ah Ralkap Palai pawl nih an duhlonak an langhter mi le, thil sining nan theih fiang deuh awk ah thil sining tlawmpal ka tial.

TCP-Kalay| 2017 November 16| November 15 chun, Kalaymyo peng Kantaya khua ah ke 12 motor nih motor cycle a pah i mi pakhat a nunnak a liam. Cycle aa pherhmi a hawipa zong fak ngai in aa khawng tiah kan theih.

TCP-Hakha| 2017 September 4| North Korea tukdohnak cu a fakmi ral i kahnak lam in kan lehrulh lai tiah American Runvennak Minister James Mattis nih September 3 ah a chim.

“Nihin ah President le Vice President tel in miphun runvennak meeting kan tuah. North Korea ram rili fonghlei a hnu bik tlerhkhonhnak he aa pehtlaimi tonpumhnak a si. Kanmah nih ral i kahnak ning thim ding lam tampi a um. President kha cu i kahnak lam cu pakhat hnu pakhat in an fianh. Fiangte in kan chim ko ahcun American, Japan, South Korea cung ah zeibantuk kahnak a si paoh ah kanmah nih runvennak ding thilti khawhnak tlingte in kan ngei ti chim ka duh” tiah American Runvennak Minister James Mattis nih a chim.

TCP-Hakha| 2017 June 25| 2016 kum caah vawleicung tangka luh tha bik le hlawhsang bik minung 10 cu a tanglei hi an si.

TCP-Hakha| 2017 June 25| Kum upat hnu pi ah fanu/pa har tuk in a hringtu vawleicung kum upa bik hringtu nu tampi lakah minung 5 kan hun langhter lai.

Chinland Post| 2017 November 26| 2017 November 26 zingka ah thlakmi Hakha khuapi chung hmanthlak le phaizawng kung tete hi zeitluk in dah an i dawh. Hmanthlak pung 15 nih Zeitluk in dah mi thinlung a hliphlauter. Hmanthlatu zong a thiam. How Beautiful 15 photos timi hmanthlak hi pakhat hnu pakhat in hun zoh cio ding ah kan in hrawmh hna.

Salai Ceu Bik Thawng; 2017 October 3| Hakha Khuanu Khuapa kongkau ah cozah/parliament nih a herh lo ah a kut a zao caah ceihcum a tong ngai. Upa lungfim ngai ah ruahmi pipi nih “mipi nih thimmi cozah kan ngei cang caah hihhna hi zeidah an herhnak a um ti?” ti tiangin bia an chuah caah ramkhel umtuning a huap in hun cuan ta usih. 

(a) Khuanu Khuapa cu mipi buu (Civil society) an si

Hi committee cu cozah buu an si lo caah cozah nih zulhphung (procedure) le thimnak hna ah tlaaktlak le chaakrengh a herh lo. Ram upadi lonh in rian an tuan sual a si sual tu ah phung ningin a zizut awk si hnga. 

(b) Cozah (Government) le Ukhruainak (Governance) timi kan thleidan thiam a hau

 

Mirang biafang ah cozah timi ‘government’ le ukhruainak ‘governance’ timi hi aa pehtlaimi a si nain aa khatmi a si lo. Demokaresi phung a hmang lomi ramhram uknak ram ahhin cozah (government) nih ukhruainak (governance) dihlak a tlaih dih (asiloah) tlaih dih a duh. Asinain, demokaresi cozah (abikin liberal/neoliberal) ruahnak ahcun cozah pakhat lawng nih rampi ukhruainak/khuakhannak (governance) zeizong vialte tlaihhiip dih timi kha a pom lo. Phundang in chim ahcun cozah nihcun tawlreltu dirhmun ah a dir i mipi buu (CSO), sipuazi lei buu, dir-awnhtu phu (opposition party) pawl le media tbk… khukhantti le riantuantii kha a duh. A si khawh lebang ahcun cozah hi zeikip ah ithlaak loin, mipi nih anmah tein an tuah khawhmi kha tuah dih hna seh, tiah lam a sial. Daw Aung San Suu Kyi zong nih “Asikhawh ahcun mipi nih cozah a um le um lo hmanh a ruah awk an hngalh lo ding kha a tha bik” a rak ti bal ve, cozah tlaitu a rak si hlan ah. 

(c) Nihinni kan ram kan i ukning phung ifian a hau

2008 Phunghrampi ningin kan Myanmar ram uknak (administrative units) hi dot 6 in a um— khuate, khuate-komh/sang, peng, pengkomh, ramthen le ramkulhpi/rampumpi, tiin*. Cu vialte lakah cun rampumpi huap, ramtthen huap le khuate-komh huap timi dot 3 lawng hi mipi thimnak in tuah a si. A sining te ahcun a dot dihlak in mipi thimnak in uk tuah ding khi a si. Federal phung hrimhrim nihhin cozah uknak a dotdot (layer) hi a tam khawhchung paoh duhmi a si. Cozah hi atlangpi in dot thum in an chiah) __ rampumpi huap (Union level), ramthen huap (subnational level) le pengtlang huap (local level) tiin. Kannih ram ahcun dot khat le cheu lawng um hih.  Federal a hmang duh lomi Unitary ram pawl zia a si. A hlan lebang ahcun dot khat lawng kan rak ngei khah.

Ka chim duhmi cu demokaresi le federal phung ning tein kan kal seh ti ahcun peng huap (township and district) uknak hi mipi thimnak in a kal awk si__ atucu cozah riantuan pawl le central kut ah chiah a si (kan Phunghrampi cang -288 le schedule-I(10/a) ning ah). A tawinak in chim ahcun ralkap nih a hnarphawhri an tlaih.

A umtuning cu kan cozah hi a lu le a taw ai peh lo. Phundang in chim ahcun a lai (a taai) zawn in ralkap nih a hri an chah i an kut in an peh chom. Chim duhmi cu peng huap uknak hi mipi kut ah a um lo.

Cu zawn te ah Pu Chan Fiang bantuk laitlai mifel hna Hakha GAD tlaitu a simi hi kan van a ttha kan ti. Asinain amah Pu Chan Fiang lila zong nih a dirhmun a fawilonak voi tampi ca a tial lengmang bang hika zawn in tii nawi a hung luangmi hi cozah riantuan pakhat nih phih khawh thlu dingmi thil a si lo.

Cucaah pengtlang cio ahhin atu bantuk khuanu khuapa buu le mino buu tibantuk tal hi fek tein dir cio kho hna sehlaw hika zawn in demokaresi le federal hri a catmi le tii a zutmi hi rak peh cio in rak phitkhar cio hna seh ti kha saduhthahmi cu a si, mipi zawn ruah ah (shadow/parallel pillar ti khawh a si). 

Biatlangkawm

 

Cucu zapi nawi in kan nawi a dil naa, a sat naa in um kan i tim. Uknak phung hi fawitehlek thil a si lo. Cunglei ah mipi thimmi cozah le MP an kai cang le pengtlang ah zeibu e, khabu e, tiah chuak len ti hlah uh tiin olsam tuk in ruah awk si hnga lo. Uknak kongah kan chimrel ve seh kan ti ahcun nihin kan cozah, kan phunghrampi le miramdang phunglam cio hna hi zoh le epchunh a hau. Abikin kap ttanh ngeih tuk tehna, cun, party le pumpak pakhatkhat uar tuk ruangah demokaresi le federal phung zong hmuh khawh ti lo phun dedeng i um hna hi aho cio kan si ah kan tthinh a tha rua ka ti.

(Fianternak: *Kan Myanmar ram uknak dot 6 timi cu khuate(village), khuate-komh le sang (village-tracts and wards), peng(townships), pengkomh (districts), ramthen (states/regions) le ramkulh/rampumpi(the Republic/ union) hna hi an si. Hlan lio i circle rak timi ‘Zahnaktlang’ ‘Mi-e peng’ tibantuk kha cozah uknak dot ah aa tello. Cun peng(township) le pengkulh (district) timi a pa hnih in kan ngeihmi hi a phung si lomi, a herh lomi, a si. Pakhatkhat chingchang hi hlawt/hrawh awk a si) ---000---

 

|The Chinland Post - Feb. 8, 2017| -- England, Spain, Italy in Germany ram in vawleicung minthang pumpululh celhnak Club pawl cu nihin tiang linsa ngai in Champion an i cuh cuahmah lio a si. Atu tiang ah cheuthum cheuhnih tluk an chuih cang i an ke zoh in aho dah Champion a si lai tiah ruahdamh khawh ngai ding in an um. Cheukhat League ahcun Mark tampi in an i thlau hna.

TCP-MDY| September 15| Barcelona pumpululh phu ah Messi, Neymar, Etoe telh in aho pumpululh chuih thiam hmanh nih an ngah bal lomi rithar pakhat cu hmaikal Suarez nih a ngah.

TCP-MDY| September 13 | 2016-117 pumpululh khuacaan ah tlik a rang bikmi zaanglek celhthiam minung 10 thim an si. Tlik rang bik pumpululh chuih thiam hi phu ngan lawng ah an um lo, phu fa deuhmi zong ah an rak um ziar. Tlik a rang bikmi hna cu;

Chin Digest, Vol. 2/No. 5| Chin ramkulh Chief Minister Salai Lian Luai cu Falam peng Airebual khua ah a chuakmi a si. Yangon University ah upadi in degree (upadi boih) a ngah. Cun biaknak lei degree pakhat a simi Bachelor of Relious in Education (BRE) zong a ngah.

Pastor Chan Hnin Thang| IBC (Hakha); Chin Digest Vol. 2/No. 2| Na chuah lecangka biahal awk a zik na ngei colh. Cucu na hngalh lonak caan zong a va sau cang men lai—cu biahalnak, na ruah bal lomi, na hun ruah tik ah siseh, na nunnak ah zeidang nakin a biapi deuhmi thil na kawl i hi biahalnak na hun ruah khawh tikah siseh, caan saupi a rak liam cang ai.

Chin Digest Vol. 2/No. 2| 2016 April|

“Kei nih cun a biang cung ah ‘aabuaah’ pek lawng khi ka ti khawh lai, a hmur hnamh tiangtiang cu ka ti kho lai lo tiah ka al”

Nizan naite ah Kawlram pumpi huap in lemcang thiam pawl academy laksawng peknak puai an tuahmi kha nan hun theih ṭheo lai. Mah kha Kawlram yuhsin vawlei ahcun laksawng lianngan bik a si i, lemcang thiam poh nih cun ngah an duhmi laksawng a si. Tukum kha 2014 le 2015 kum hnih caah an pekmi a si. Kum hnih ca pek cu si kaw, laksawng lami an tam ngai. Mah chung ah cun Kawlram mizapi nih uar bikmi ah aa telmi Chin lengdawh Thet Mon Myint balte cu laksawng a la lo. 

 
 

Weather

Yangon
Myanmar
27 °C Cloudy
Mandalay
Myanmar
27 °C Cloudy